W.7 – PPEA

fol. 41rI

Passus .vijus.septimus de visione vt supra

W.7.1KD.7.1  TReuþe herde telle her-of . and to Piers he sente
                  
W.7.2KD.7.2  To maken his teme . and tilien þe erþe
W.7.3KD.7.3  And purchaced hym a pardoun . a pena & a culpa
W.7.4KD.7.4  For hym and for hise heires . for euere-moore after
                  
W.7.5KD.7.5  And bad hym holde hym at home . and erien hise leyes
W.7.6KD.7.6  And alle þat holpen hym to erye . to sette or to sowe
W.7.7KD.7.7  Or any ooþer mestier . þat myȝte Piers auaille
                  
W.7.8KD.7.8  Pardon wiþ Piers Plowman . truþe haþ ygraunted

¶ Kynges and knyȝtes . þat kepen holy chirche

And riȝtfully in Remes . rulen þe peple

Han pardon þoruȝ purgatorie . to passen ful liȝtly

W.7.12KD.7.12

Wiþ Patriarkes and prophetes . in paradis to be felawe

W.7.13KD.7.13  ¶  Bysshopes yblessed . if þei ben as þei sholde
                  
W.7.14KD.7.14  Legistres of boþe lawes . þe lewed þer-wiþ to preche
                  
W.7.15KD.7.15  And in as muche as þei mowe . amenden alle synfulle
W.7.16KD.7.16  Arn peres wiþ þe Apostles . þis pardon Piers sheweþ
W.7.17KD.7.17  And at þe day of dome . at þe heiȝe deys sitte

W.7.18KD.7.18  ¶  Marchauntz in þe margyne . hadde manye yeres
                  
W.7.19KD.7.19  Ac noon A pena & a culpa . þe pope nolde hem graunte
                  
W.7.20KD.7.20  For þei holde noȝt hir halidayes . as holy chirche techeþ
W.7.21KD.7.21  And for þei swere by hir soule . and so god moste hem helpe
W.7.22KD.7.22  Ayein clene Conscience . hir catel to selle

W.7.23KD.7.23  ¶  Ac vnder his secret seel . truþe sente hem a lettre
                  
W.7.24KD.7.24  That þei sholde buggen boldely . þat hem best liked
W.7.25KD.7.25  And siþenes selle it ayein . and saue þe wynnyng
W.7.26KD.7.26  And amende Mesondieux þer-myd . and myseise folk helpe
                  
W.7.27KD.7.27  And wikkede weyes . wightly amende
W.7.28KD.7.28  And do boote to brugges . þat tobroke were
W.7.29KD.7.29  Marien maydenes . or maken hem Nonnes
W.7.30KD.7.30-31  Pouere peple and prisons . fynden hem hir foode

fol. 41vI

W.7.31KD.7.32  ¶  And sette Scolers to scole . or to som oþere craftes
                  
W.7.32KD.7.33  Releue Religion . and renten hem bettre
W.7.33KD.7.34  And I shal sende yow my-selue . Seint Michel myn Archangel
                  
W.7.34KD.7.35  That no deuel shal yow dere . ne fere yow in youre deying
                  
W.7.35KD.7.36  And witen yow fro wanhope . if ye wol þus werche
W.7.36KD.7.37  And sende youre soules in saufte . to my Seintes in Ioye

¶ Thanne were Marchauntz murie . manye wepten for ioye

And preiseden Piers þe Plowman . þat purchaced þis bulle

¶ Men of lawe leest pardon hadde . þat pleteden for Mede

W.7.40KD.7.41

For þe Sauter saueþ hem noȝt . swiche as take ȝiftes

And nameliche of Innocentz . þat noon yuel ne konneþ

Super innocentem munera non accipies

¶ Pledours sholde peynen hem . to plede for swiche and helpe

W.7.44KD.7.44

Princes and prelates . sholde paie for hire trauaille

A Regibus & principibus erit merces eorum

¶ Ac many a Iustice and Iurour . wolde for Iohan do moore

Than pro dei pietate . leue þow noon ooþer

W.7.48KD.7.47  ¶ Ac he þat spendeþ his speche . and spekeþ for þe pouere           W.7.48:nota 
W.7.49KD.7.48  That is Innocent and nedy . and no man apeireþ           W.7.49: nota
W.7.50KD.7.49  Conforteþ hym in þat caas . wiþ-outen coueitise of ȝiftes           W.7.50:  nota
W.7.51KD.7.50  And sheweþ lawe for oure lordes loue . as he it haþ ylerned            W.7.51: nota
W.7.52KD.7.51  Shal no deuel at his deeþ-day . deren hym a myte
                  
W.7.53KD.7.52  That he ne worþ saaf and his soule . þe Sauter bereþ witnesse

¶ Domine quis habitabit in tabernaculo tuo

¶ Ac to bugge water ne wynd . ne wit ne fir þe ferþe

fol. 42rI

W.7.56KD.7.54

Thise foure þe fader of heuene . made to þis foold in commune

Thise ben truþes tresores . trewe folk to helpe

That neuere shul wexe ne wanye . wiþ-outen god hym-selue

W.7.59KD.7.57  ¶  Whan þei drawen on to deye . and Indulgences wolde haue
                  
W.7.60KD.7.58  Hir pardon is ful petit . at hir partyng hennes
W.7.61KD.7.59  That any Mede of mene men . for hir motyng takeþ
W.7.62KD.7.60  Ye legistres and lawieres . holdeþ þis for truþe
W.7.63KD.7.60  That if þat I lye . Mathew is to blame
                  
W.7.64KD.7.60.1  For he bad me make yow þis . and þis prouerbe me tolde
                  

Quodcumque vultis vt faciant vobis homines . facite eis W.7.65:nota

¶ Alle libbynge laborers . þat lyuen wiþ hir hondesW.7.66-69: A vertical pen mark appears at the end of this line and the three following lines, which we take to represent nota. W.7.66:nota

That treweliche taken . and treweliche wynnen W.7.67: nota

W.7.68KD.7.63

And lyuen in loue and in lawe . for hir lowe hertes W.7.68: nota

Haueþ þe same absolucion . þat sent was to Piers W.7.69: nota

W.7.70KD.7.65  ¶  Beggeres ne bidderes . ne beþ noȝt in þe bulle
                  
W.7.71KD.7.66  But if þe suggestion be sooþ . þat shapeþ hem to begge
W.7.72KD.7.67  For he þat beggeþ or bit . but if he haue nede           W.7.72:nota
W.7.73KD.7.68  He is fals wiþ þe feend . and defraudeþ þe nedy           W.7.73:nota
W.7.74KD.7.69  And also he bigileþ þe gyuere . ageynes his wille
                  
W.7.75KD.7.70  For if he wiste he were noȝt nedy . he wolde ȝyue þat anoþer
W.7.76KD.7.71  That were moore nedy þan he . so þe nedieste sholde be holpe
W.7.77KD.7.72  Caton kenneþ me þus . and þe clerc of stories
W.7.78KD.7.73  Cui des videto . is Catons techyng           W.7.78:nota

¶ And in þe stories he techeþ . to bistowe þyn almesse

W.7.80KD.7.75

Sit elemosina tua in manu tua donec studes cui des W.7.80: The nota appears inside the box to the right of the line.

¶ Ac Gregory was a good man . and bad vs gyuen alle W.7.81:nota

That askeþ for his loue . þat vs al leneþ W.7.82:nota

Non eligas cui miseriaris nefortene forte pretereas illum qui meretur accipereW.7.83: The end of the box is cropped in the right margin, though no text appears to have been lost.

fol. 42vI

W.7.84KD.7.77β

Quia incertum est pro quo deo magis placeas W.7.84:nota

W.7.85KD.7.78  ¶ For wite ye neuere who is worþi . ac god woot who haþ nede           W.7.85:nota
W.7.86KD.7.79  In hym þat takeþ is þe trecherie . if any treson walke           W.7.86:nota
W.7.87KD.7.80  For he þat yeueþ yeldeþ . and yarkeþ hym to reste
W.7.88KD.7.81  And he þat biddeþ borweþ . and bryngeþ hym-self in dette
                  
W.7.89KD.7.82  For beggeres borwen euere-mo . and hir borgh is god almyȝty
                  
W.7.90KD.7.83  To yelden hem þat yeueþ hem . and yet vsure moore

¶ Quare non dedisti pecuniam meam ad mensam
vt ego veniam cum vsuris exigere

W.7.92KD.7.84

¶ For-þi biddeþ noȝt ye beggeres . but if ye haue gret nede

For who-so haþ to buggen hym breed . þe book bereþ witnesse

He haþ ynouȝ þat haþ breed ynouȝ . þouȝ he haue noȝt ellis

¶ Satis diues est qui non indiget pane W.7.95:nota

W.7.96KD.7.87

¶ Lat vsage be youre solas . of seintes lyues redyng

The book banneþ beggerie . and blameþ hem in þis manere

¶ Iunior fui etenim senui & non vidi iustum derelictum nene[c]W.7.98: W alone reads ne. Other B manuscripts have nec. semen eius &c

W.7.99KD.7.90  ¶ For ye lyue in no loue . ne no lawe holde
                  
W.7.100KD.7.91  Manye of yow ne wedde noȝt . þe womman þat ye wiþ deele
                  
W.7.101KD.7.92  But as wilde bestes with wehee . worþen vppe and werchen
                  
W.7.102KD.7.93  And bryngen forþ barnes . þat bastardes men calleþ
                  
W.7.103KD.7.94  Or þe bak or som boon . he brekeþ in his youþe
W.7.104KD.7.95  And siþþe goon faiten with youre fauntes . for euere-moore after
                  
W.7.105KD.7.96  Ther is moore mysshapen peple . amonges þise beggeres           W.7.105:nota
W.7.106KD.7.97  Than of alle manere men . þat on þis moolde walkeþ           W.7.106: nota
W.7.107KD.7.98  And þei þat lyue þus hir lif . mowe loþe þe tyme           W.7.107:nota
W.7.108KD.7.99  That euere þei were men wroȝt . whan þei shal hennes fare           W.7.108: nota
fol. 43rI
W.7.109KD.7.100  Ac olde men and hore . þat helplees ben of strengþe
W.7.110KD.7.101  And wommen wiþ childe . þat werche ne mowe
                  
W.7.111KD.7.102  Blynde and bedreden . and broken hire membres
W.7.112KD.7.103  That taken þise myschiefs mekeliche . as Mesels and oþere
                  
W.7.113KD.7.104  Han as pleyn pardon . as þe Plowman hym-selue
                  
W.7.114KD.7.105  For loue of hir lowe hertes . oure lord haþ hem graunted
W.7.115KD.7.106  Hir penaunce and hir Purgatorie . here on þis erþe

W.7.116KD.7.107

¶ Piers quod a preest þoo . þi pardon moste I rede

For I wol construe ech clause . and kenne it þee on englissh

¶ And Piers at his preiere . þe pardon vnfoldeþ

And I bihynde hem boþe . biheld al þe bulle

W.7.120KD.7.111

And in two lynes it lay . and noȝt a leef moore

And was writen riȝt þus . in witnesse of truþe

¶ Et qui bona egerunt ibunt in vitam eternam W.7.122:nota

Qui vero mala in ignem eternumW.7.123: To the right of this line is a smudged scribble. W.7.123:nota

W.7.124KD.7.115

¶ Peter quod þe preest þoo . I kan no pardon fynde

But dowel and haue wel . and god shal haue þi soule W.7.125:nota

And do yuel and haue yuel . hope þow noon ooþer W.7.126:nota

But after þi deeþ-day . þe deuel shal haue þi soule W.7.127:nota

W.7.128KD.7.119

¶ And Piers for pure tene . pulled it atweyne

And seide Si ambulauero in medio vmbre mortis W.7.129:nota
non timebo mala quoniam tu mecum es

¶ I shal cessen of my sowyng quod Piers . & swynke noȝt so harde

Ne aboute my bely ioye . so bisy be namoore

W.7.132KD.7.124

Of preieres and of penaunce . my plouȝ shal ben her-after

And wepen whan I sholde slepe . þouȝ whete breed me faille

¶ The prophete his payn eet . in penaunce and in sorwe

fol. 43vI

¶ By þat þe Sauter seith . so dide othere manye

W.7.136KD.7.128

That loueþ god lelly . his liflode is ful esy

¶ Fuerunt michi lacrime mee panes die ac nocte W.7.137:nota

W.7.138KD.7.129  ¶  And but if luc lye . he lereþ vs by foweles
                  
W.7.139KD.7.130  We sholde noȝt be to bisy . aboute þe worldes blisse
W.7.140KD.7.131  Ne soliciti sitis  he seiþ in þe gospel
                  
W.7.141KD.7.132  And sheweþ vs by ensamples . vs-selue to wisse
                  
W.7.142KD.7.133  The foweles in þe feld . who fynt hem mete at wynter           W.7.142:nota
W.7.143KD.7.135  Haue þei no gerner to go to . but god fynt hem alle           W.7.143:nota

W.7.144KD.7.136

¶ What quod þe preest to Perkyn . Peter as me þynkeþ

Thow art lettred alitela litel . who lerned þee on boke

¶ Abstynence þe Abbesse quod Piers . myn / a / . b / . c . / me tauȝte

And Conscience cam afterward . and kenned me muche moore

W.7.148KD.7.140

¶ Were þow a preest quod he . þou myȝtest preche where þou sholdest

As diuinour in diuinite . wiþ Dixit insipiens to þi teme

¶ Lewed lorel quod Piers . litel lokestow on þe bible

On Salomons sawes . selden þow biholdest

W.7.152KD.7.143α

Ecce derisores & iurgia cum eis ne crescant &c

W.7.153KD.7.144  ¶ The preest and Perkyn . opposeden eiþer ooþer
W.7.154KD.7.145  And I þoruȝ hir wordes awook . and waited aboute
W.7.155KD.7.146  And seiȝ þe sonne in þe South . sitte þat tyme
W.7.156KD.7.147  Metelees and moneilees . on Maluerne hulles
                  
W.7.157KD.7.148  Musynge on þis metels . and my wey ich yede

W.7.158KD.7.149  MAny tyme þis metels . haþ maked me to studie
                  
W.7.159KD.7.150  Of þat I seiȝ slepynge . if it so be myȝte
fol. 44rI
W.7.160KD.7.151  And also for Piers þe Plowman . ful pencif in herte
                  
W.7.161KD.7.152  And which a pardon Piers hadde . al þe peple to conforte
W.7.162KD.7.153  And how þe preest inpugned it . wiþ two propre wordes
                  
W.7.163KD.7.154  Ac I haue no sauour in Songewarie . for I se it ofte faille
W.7.164KD.7.155  Caton and Canonistres . counseillen vs to leue
W.7.165KD.7.156  To sette sadnesse in Songewarie . for sompnia ne cures

¶ Ac for þe book bible . bereþ witnesse

How Daniel diuined . þe dreem of a kyng

W.7.168KD.7.159

That was Nabugodonosor . nempned of clerkes

W.7.169KD.7.160  ¶ Daniel . seide sire kyng . þi dremels bitokneþ
                  
W.7.170KD.7.161  That vnkouþe knyȝtes shul come . þi kyngdom to cleyme
W.7.171KD.7.162  Amonges lower lordes . þi lond shal be departed
W.7.172KD.7.163  And as Daniel diuined . in dede it fel after
                  
W.7.173KD.7.164  The kyng lees his lordshipe . and lower men it hadde

¶ And Ioseph mette merueillously . how þe moone and þe sonne

And þe elleuene sterres . hailsed hym alle

W.7.176KD.7.167

¶ Thanne Iacob iugged . Iosephes sweuene

Beau fitz quod his fader . for defaute we shullen

I my-self and my sones . seche þee for nede

¶ It bifel as his fader seide . in Pharaoes tyme

W.7.180KD.7.171

That Ioseph was Iustice . Egipte to loke

It bifel as his fader tolde . hise frendes þere hym souȝte

And al þis makeþ me . on þis metels to þynke

W.7.183KD.7.174  ¶ And how þe preest preued . no pardon to dowel
                  
W.7.184KD.7.175  And demed þat dowel . Indulgences passed
                  
W.7.185KD.7.176  Biennals and triennals . and Bisshopes lettres
W.7.186KD.7.177  And how dowel at þe day of dome . is digneliche vnderfongen
W.7.187KD.7.178  And passeþ al þe pardon . of Seint Petres cherche

fol. 44vI

W.7.188KD.7.179

¶ Now haþ þe pope power . pardon to graunte þe peple

Wiþ-outen any penaunce . to passen in-to heuene

This is oure bileue . as lettred men vs techeþ

¶ Quodcumque ligaueris super terram . erit ligatum & in celis &c

W.7.192KD.7.182  ¶  And so I leue leelly . lordes forbode ellis
                  
W.7.193KD.7.183  That pardon and penaunce . and preieres doon saue
W.7.194KD.7.184  Soules þat haue synned . seuen siþes dedly
W.7.195KD.7.185  Ac to truste to þise triennals . trewely me þynkeþ
W.7.196KD.7.186  Is noȝt so siker for þe soule . certes as is dowel

W.7.197KD.7.187  ¶ For-þi I rede yow renkes . þat riche ben on þis erþe
                  
W.7.198KD.7.188  Vp-on trust of youre tresor . triennals to haue
                  
W.7.199KD.7.189  Be ye neuer þe bolder . to breke þe .x.ten hestes
                  
W.7.200KD.7.190  And namely ye maistres . Meires and Iugges
W.7.201KD.7.191  That haue þe welþe of þis world . and for wise men ben holden
W.7.202KD.7.192  To purchace yow pardon . and þe popes bulles
W.7.203KD.7.193  At þe dredful dome . whan dede shulle rise
W.7.204KD.7.194  And comen alle tofore crist . acountes to yelde
W.7.205KD.7.195  How þow laddest þi lif here . and hise lawes keptest
W.7.206KD.7.196  And how þow didest day by day . þe doom wole reherce
W.7.207KD.7.197  A poke-ful of pardon þere . ne prouincials lettres
                  
W.7.208KD.7.198  Theiȝ ye be founde in þe fraternite . of alle þe foure ordres
W.7.209KD.7.199  And haue Indulgences double-fold . but if dowel yow helpe
                  
W.7.210KD.7.200  I sette youre patentes and youre pardon . at one pies hele
                  

W.7.211KD.7.201  ¶ For-þi I counseille alle cristene . to crie god mercy .
                  
W.7.212KD.7.202  And Marie his moder . be oure meene bitwene
W.7.213KD.7.203  That god gyue vs grace here . er we go hennes
                  
W.7.214KD.7.204  Swiche werkes to werche . while we ben here
W.7.215KD.7.205  That after oure deeþ-day . dowel reherce
                  
W.7.216KD.7.206  At þe day of dome . we dide as he hiȝte